Komunikado pa prensa: Estreno di obra di teatro nobo ‘Bos di Nos Pueblo’
11-11-2015

Djabièrnè awor 13 di novèmber, Teatro KadaKen ta estrená ya su di kuater obra di teatro grandi for di aña 2009. Bos di Nos Pueblo ta un obra provokativo i tribí pero na un manera alegre, tokante e kultura polítiko riba nos isla i e lucha di hobennan pa sea keda ketu i wak òf lanta ariba i duna nan opinion. Despues di e estreno ta sigui un seri di presentashon públiko i lo presentá e obra na skolnan sekundario, akompañá pa un trayekto edukativo.

Ku su produkshonnan teatral, Teatro KadaKen bou di direkshon artístiko di Albert Schoobaar ke drenta den kòmbersashon ku públiko en general i hobennan en partikular na un manera provokativo i inspirativo, tokante temanan ku nan ta dil kuné diariamente. Esaki Teatro KadaKen a hasi anteriormente ku E Balada di Plùisje (2013-2014), Tisha (2012) i E Dekonstrukshon di Edsel K. (2009). Teatro ta un medio sumamente adekuá pa inisía diálogo tokante temanan difisil na un manera no muchu pisá. E ta duna tantu hoben komo adulto e oportunidat pa asosiá libremente i pa identifiká nan mes ku dilemanan masha rekonosibel ku nan ta kontra tur dia. Ku un kalidat artístiko kombinsente tantu den e tekstonan di Albert Schoobaar komo ku e esenifikashonnan úniko, KadaKen ta duna un aporte kisas chikitu, pero sigur profundo na enseñansa i desaroyo kreativo i sosial.

Den Bos Di Nos Pueblo (BDNP) polítika ta bira personal. Abo ta tribi di bisa lokual bo ta pensa? Kiko ba to pro òf kontra di dje i pa konta e lokual ku abo ta kere aden? Si pa un dia bo por ta polítiko, kiko abo lo kambia? Huntu ku e aktornan, públiko ta lanta e partido polítiko nobo BDNP. Bos Di Nos Pueblo ta un obra tokante desishonnan difisil entre realidat i bo idealnan, entre reglanan i libertat i tokante e tenshon entre bo propio interesnan i interesnan general.

E aktornan di Bos di Nos Pueblo ta Christopher Barrow, Donovan Benett, Norma Cova i Albert Schoobaar. Albert Schoobaar a skibi e teksto i e direkshon di esena ta den man di Silvia Andringa. Het Fonds Podiumkunsten, Stichting Doen i Prins Bernhard Cultuurfonds Caribisch Gebied, entre otro, a hasi e produkshon aki posibel ku nan patrosinio.

E estreno lo tuma lugá den Kurá di Arte, ántes ‘St. Albertus College’ na Pietermaai. E seri di presentashonnan públiko ku ta sigui lo tuma lugá entre novèmber 2015 i aprel 2016 na varios luga. E presentashonnan semper lo kuminsá 8or di anochi. Pa tur fecha i lokalidat di e presentashonnan, por konsultá e poster i foyetonan, e página di Facebook i e wèpsait di Teatro KadaKen. Bos di Nos Pueblo ta apropiá pa adulto i hoben for di 12 aña di edat. Karchi ta kosta 15 florin i ta optenibel na Mensing’s Caminada. Pa mas informashon por tuma kontakto ku Teatro KadaKen na 510 2568.

 

 

 


  • 23-11-2017: Komunikado di Prensa: Mula ta yama ayó na La Tentashon >>>
  • 22-11-2017: Persbericht: Laatste voorstelling van Mula in La Tentashon >>>
  • 13-06-2017: Persbericht: Voorstellingen van Mula voor wijken in La Tentashon >>>
  • 13-06-2017: Komunikado di Prensa: Presentashon di Mula pa barionan na La Tentashon Kòrsou >>>
  • 23-01-2017: Persbericht Teatro KadaKen première MULA 27 januari in La Tentashon  >>>
  • 22-01-2017: Mula - TV spot >>>
  • 21-01-2017: Mula >>>
  • 13-04-2016: Bos di Nos Pueblo den bario (ultimo funshonnan) >>>
  • 30-03-2016: Bos di Nos Pueblo - Albert Schweitzer College >>>
  • 21-03-2016: Bos di Nos Pueblo den bario >>>
  • 22-02-2016: Teatro KadaKen ta presentá: lès di drama: promé nivel >>>
  • 16-02-2016: PERSBERICHT Theaterstuk ‘Bos di Nos Pueblo’ van Teatro KadaKen in Casa Moderna in Punda >>>
  • 16-02-2016: KOMUNIKADO NA PRENSA E obra teatral ‘Bos di Nos Pueblo’ di Teatro KadaKen den Casa Moderna den Punda >>>
  • 11-02-2016: Promo video Bos di Nos Pueblo >>>
  • 21-12-2015: Reportage Caribisch Netwerk: Kadaken gaat de confrontatie aan >>>
  • 10-12-2015: Komunikado pa prensa: E obra teatral ‘Bos di Nos Pueblo’ di Teatro KadaKen ta subi Seru Papaya  >>>
  • 10-12-2015: Persbericht: Theaterstuk ‘Bos di Nos Pueblo’ van Teatro KadaKen gaat Seru Papaya op >>>
  • 16-11-2015: Recensie: Confronterende theatervoorstelling over politiek en vaderschap >>>
  • 13-11-2015: Bos di Nos Pueblo - Première >>>
  • 10-11-2015: Persbericht: Nieuw theaterstuk Bos di Nos Pueblo in première >>>
  • 09-11-2015: Advertenties Bos di Nos Pueblo >>>
  • 02-11-2015: Bos di Nos Pueblo - Sera konosí >>>
  • 02-11-2015: Bos di Nos Pueblo - Photoshoot >>>
  • 02-11-2015: Bos di Nos Pueblo - Repetishon >>>
  • 17-09-2014: Radiospots: Wij verlangen onze vrijheid >>>
  • 17-09-2014: TV-spot: Wij verlangen onze vrijheid >>>
  • 12-09-2014: Wij verlangen onze vrijheid >>>
  • 17-10-2013: E Balada Di Pluisje Radio Spot Montanja >>>
  • 16-10-2013: E balada di pluisje 21, 27 i 28 di September >>>
  • 04-09-2013: Radiospot: E balada di Pluisje na Souax >>>
  • 04-09-2013: E balada di pluisje September voorstellingen >>>
  • 19-08-2013: Voorstelling in Landhuis Bloemhof >>>
  • 02-08-2013: De ballade van Pluisje >>>
  • 01-08-2013: Radiospot: E balada di Pluisje  >>>
  • 01-08-2013: Foto's: E balada di Pluisje >>>
  • 31-07-2013: De ballade van Pluisje >>>
  • 09-12-2012: Bo Lastu Chèns pa Mira TISHA  >>>
  • 09-12-2012: Laatste kans om theaterstuk Tisha te zien >>>
  • 02-05-2012: Voorstellingen 5 en 6 mei >>>
  • 22-03-2012: Bijzondere uitvoering Tisha op World Theater Day >>>
  • 22-03-2012: Presentashon speshal di Tisha riba Dia Mundial di Teatro >>>
  • 07-03-2012: Trailer TISHA >>>
  • 29-02-2012: Advertentie 3,4, 10 en 11 maart >>>
  • 23-02-2012: Reportage op Versgeperst.com >>>
  • 17-02-2012: Kadaken zet jongeren aan het denken >>>
  • 16-02-2012: Nieuw theaterstuk Tisha gaat 25 februari 2012 in première >>>
  • 14-10-2010: Edsel K Nederland >>>
  • 09-09-2010: Nos No Ta Hende Mas >>>
  • 09-09-2010: Nu te Koop >>>
  • 15-06-2010: Lancering DVD Edsel K >>>
  • 02-06-2010: Nos No Ta Hende Mas opnieuw opgevoerd >>>
  • 04-10-2009: Promo  >>>
  • 30-09-2009: Promo  >>>
  • 01-09-2009: Un reakshon di Ini Statia >>>
  • 31-08-2009: Edsel K. is tragisch, hilarisch én spannend >>>
  • 31-07-2009: Teatro Kadaken presenteert ‘E dekonstrukshon di Edsel K.’ >>>
  • 31-07-2009: Teatro Kadaken ta presentá ‘e dekonstrukshon di Edsel K.’ >>>

  •      
    Developed with QwikZite (version 1.12)