Teatro Kadaken ta presentá ‘e dekonstrukshon di Edsel K.’
31-07-2009

[komunikado di prensa]

Teatro Kadaken, teatro pa un i tur

Na mei 2008 ‘Stichting Teatro Kadaken’ a lanta ku e meta pa desaroyá teatro, tantu pa hóben komo adulto, ku enfoke riba e tereno artístiko, sosial i edukativo.
Ku su obra i proyektonan di teatro, Teatro Kadaken ta desaroyá un repertorio na un nivel artístiko haltu ku un relevansia sosial grandi den nos sosiedat. Ku esaki Teatro Kadaken ke aportá ku kalidat i kantidat na bida kultural i sosial di Kòrsou.
Teatro Kadaken ta un organisashon non-profit, sin niun klase di probecho, ku ke laga públiko sera konosí ku formanan di teatro desafiante - i mayoria biaha nobo - pa e públiko hóben. Nos ta traha tantu ku aktornan profeshonal komo hóbennan ku ménos eksperiensia i banda di e sala di teatro ‘normal’, por topa nos regularmente na skolnan òf lokalidatnan spesial. Aparte di traha ku obranan di teatro eksistente, outor i aktor Albert Schoobaar regularmente ta skirbi tekstonan nobo tambe pa e grupo di teatro. Un kontakto direkto i personal entre e obra i e públiko ku ta mirando esaki, semper ta sentral den produkshonnan di ‘Kadaken’, p’esei tambe e presentashonnan ta transparente den forma i estilo di aktua. Ku un mínimo na medio teatral i un máksimo na forsa di imaginashon Teatro Kadaken ta hiba su públiko den storianan ku ta bale la pena konta.

Nesesidat sosial den nos sosiedat
Kurason sosial di Teatro KadaKen ta bati prinsipalmente pa mucha i hóbennan di Kòrsou i pa adultonan ku diariamente tin di aber ku e hubentut akí. Nos ke pone un spil kolorido dilanti di e públiko di teatro, den kua nan ta mira nan mes i nan ambiente, loke ta sostené nan den problema i retonan ku tur dia nan ta haña nan mes aden. Temanan manera amistat, droga, violensha, famianan di un mayor so i seksualidat, ta sentral. Asina nos ta krea teatro di un urgensha grandi, ku den mundu di awe ta para ku dos pia riba tera. Teatro ku ta mira bida ku humor i emoshon, pero ku por ta desafiante i frepòstu tambe miéntras na mes momento e ta stimulá diskushon.

E produkshon:

Dia 28 di ougùstùs Teatro Kadaken, ku sosten di ‘Stichting Doen, het Nederlandse Fonds voor Podiumkunsten i Prins Bernhard Cultuurfonds Ned. Antillen en Aruba, ta estrená su obra teatral nobo titulá : E dekonstrukshon di Edsel K. Huize Welgelegen (Habaai) ku su sala di teatro úniko - kasi lubidá - lo ta nos anfitrion, ya ku te medio desèmber 2009, e sala di teatro akí lo ta e base, lo e ta kas di Teatro Kadaken. Henter aña preparashonnan ta ful den marcha kaba. Banda di e aktornan fiho di Teatro Kadaken ku ta Norma Cova en Albert Schoobaar, a skohe den un oudishon dos aktor hóben pa e obra ku ta Gideon Donker i Eurshley Davelaar. Den estrecho kooperashon ku e direktor di teatro ulandes, Silvia Andringa, a desaroyá un plan artístiko. For di medio yüli e grupo teatral di Teatro Kadaken ta ensayá i monta esenanan di e obra den e sala di teatro maravioso i dekaí di Huize Habaai.
Kontenido di e obra teatral
E dekonstrukshon di Edsel K. ta konta e storia di Edsel i Kai ku ta lanta huntu den e mes un ‘Bario’. No ta eksistí un amistat mas grandi ku esun di nan. Nan ta primintí otro di para kla pa otro i sostené otro. Pero segun nan ta krese bira grandi, ta parse di bira mas i mas difísil pa Edsel pa kumpli ku e promesa ei. E 4 aktornan ta aktua i konta e storia akí di amistat, toleransha, traishon, amor i e kurashi di ta bo mes; sin miedu di loke otro hende lo pensa di bo. Den un presentashon ku ta kore ku fasilidat di un esena pa otro, e aktornan ta habri bida di Edsel K. for di otro i konstruí esaki di nobo, komo si fuera ta un pùzel e ta. Durante e obra, yen di buèlta inesperá, e públiko lo mira kon pokopoko e pidanan di e pùzel ta bai kai finalmente na nan lugá.
Pa ken, na unda, ki ora i ki dia?
E dekonstrukshon di Edsel K. no ta adekuá pa mucha di edat mas abou ku 12 aña. Di sèptember te medio desèmber 2009 lo presentá e obra parti mainta na skolnan, komo obra teatral pa skol, pa alumnonan di Enseñansa Avansá. Naturalmente hóbennan ku ke bin wak e obra huntu ku nan amigu òf famia, sigur lo ta mas ku bonbiní na presentashonnan ora e obra ta liber pa públiko.
E presentashonnan liber pa públiko aki lo tuma lugá parti anochi riba e siguiente dianan :
Estreno / Promé presentashon : djabièrnè 28 di ougùstùs 2009 pa 8 or di anochi (20:00 or)
Lugá : Aula di Huize Welgelegen (Habaai). (Kas di grandinan na Habaai)
Fecha di sobrá presentashonnan liber pa públiko : 29 ougùstùs. 4, 5 i 18 sèptèmber. 2, 3, 30 i 31 di òktober. 6 i 7 di novèmber 2009.
Ora: E presentashonnan liber pa públiko ta kuminsá 20:00 or. (no yega lat, ya ku lamentablemente NO por drenta, despues ku e obra a kuminsá)
Karchi pa e presentashonnan ta optenibel na Boekhandel Mensing Kaminada, Landhuis Bloemhof, Gallerij Alma Blou i Tik Tak.
Den kuadro di e presentashonnan pa skol a desaroyá material di lès. Tambe lo duna e dosentenan diferente tayer pa prepará e presentashon ku nan alumnonan, promé nan bai wak e obra i reflehá ku nan despues di a mira e presentashon.

  • 23-11-2017: Komunikado di Prensa: Mula ta yama ayó na La Tentashon >>>
  • 22-11-2017: Persbericht: Laatste voorstelling van Mula in La Tentashon >>>
  • 13-06-2017: Persbericht: Voorstellingen van Mula voor wijken in La Tentashon >>>
  • 13-06-2017: Komunikado di Prensa: Presentashon di Mula pa barionan na La Tentashon Kòrsou >>>
  • 23-01-2017: Persbericht Teatro KadaKen première MULA 27 januari in La Tentashon  >>>
  • 22-01-2017: Mula - TV spot >>>
  • 21-01-2017: Mula >>>
  • 13-04-2016: Bos di Nos Pueblo den bario (ultimo funshonnan) >>>
  • 30-03-2016: Bos di Nos Pueblo - Albert Schweitzer College >>>
  • 21-03-2016: Bos di Nos Pueblo den bario >>>
  • 22-02-2016: Teatro KadaKen ta presentá: lès di drama: promé nivel >>>
  • 16-02-2016: PERSBERICHT Theaterstuk ‘Bos di Nos Pueblo’ van Teatro KadaKen in Casa Moderna in Punda >>>
  • 16-02-2016: KOMUNIKADO NA PRENSA E obra teatral ‘Bos di Nos Pueblo’ di Teatro KadaKen den Casa Moderna den Punda >>>
  • 11-02-2016: Promo video Bos di Nos Pueblo >>>
  • 21-12-2015: Reportage Caribisch Netwerk: Kadaken gaat de confrontatie aan >>>
  • 10-12-2015: Komunikado pa prensa: E obra teatral ‘Bos di Nos Pueblo’ di Teatro KadaKen ta subi Seru Papaya  >>>
  • 10-12-2015: Persbericht: Theaterstuk ‘Bos di Nos Pueblo’ van Teatro KadaKen gaat Seru Papaya op >>>
  • 16-11-2015: Recensie: Confronterende theatervoorstelling over politiek en vaderschap >>>
  • 13-11-2015: Bos di Nos Pueblo - Première >>>
  • 11-11-2015: Komunikado pa prensa: Estreno di obra di teatro nobo ‘Bos di Nos Pueblo’ >>>
  • 10-11-2015: Persbericht: Nieuw theaterstuk Bos di Nos Pueblo in première >>>
  • 09-11-2015: Advertenties Bos di Nos Pueblo >>>
  • 02-11-2015: Bos di Nos Pueblo - Sera konosí >>>
  • 02-11-2015: Bos di Nos Pueblo - Photoshoot >>>
  • 02-11-2015: Bos di Nos Pueblo - Repetishon >>>
  • 17-09-2014: Radiospots: Wij verlangen onze vrijheid >>>
  • 17-09-2014: TV-spot: Wij verlangen onze vrijheid >>>
  • 12-09-2014: Wij verlangen onze vrijheid >>>
  • 17-10-2013: E Balada Di Pluisje Radio Spot Montanja >>>
  • 16-10-2013: E balada di pluisje 21, 27 i 28 di September >>>
  • 04-09-2013: Radiospot: E balada di Pluisje na Souax >>>
  • 04-09-2013: E balada di pluisje September voorstellingen >>>
  • 19-08-2013: Voorstelling in Landhuis Bloemhof >>>
  • 02-08-2013: De ballade van Pluisje >>>
  • 01-08-2013: Radiospot: E balada di Pluisje  >>>
  • 01-08-2013: Foto's: E balada di Pluisje >>>
  • 31-07-2013: De ballade van Pluisje >>>
  • 09-12-2012: Bo Lastu Chèns pa Mira TISHA  >>>
  • 09-12-2012: Laatste kans om theaterstuk Tisha te zien >>>
  • 02-05-2012: Voorstellingen 5 en 6 mei >>>
  • 22-03-2012: Bijzondere uitvoering Tisha op World Theater Day >>>
  • 22-03-2012: Presentashon speshal di Tisha riba Dia Mundial di Teatro >>>
  • 07-03-2012: Trailer TISHA >>>
  • 29-02-2012: Advertentie 3,4, 10 en 11 maart >>>
  • 23-02-2012: Reportage op Versgeperst.com >>>
  • 17-02-2012: Kadaken zet jongeren aan het denken >>>
  • 16-02-2012: Nieuw theaterstuk Tisha gaat 25 februari 2012 in première >>>
  • 14-10-2010: Edsel K Nederland >>>
  • 09-09-2010: Nos No Ta Hende Mas >>>
  • 09-09-2010: Nu te Koop >>>
  • 15-06-2010: Lancering DVD Edsel K >>>
  • 02-06-2010: Nos No Ta Hende Mas opnieuw opgevoerd >>>
  • 04-10-2009: Promo  >>>
  • 30-09-2009: Promo  >>>
  • 01-09-2009: Un reakshon di Ini Statia >>>
  • 31-08-2009: Edsel K. is tragisch, hilarisch én spannend >>>
  • 31-07-2009: Teatro Kadaken presenteert ‘E dekonstrukshon di Edsel K.’ >>>

  •      
    Developed with QwikZite (version 1.12)